![](https://blogger.googleusercontent.com/img/b/R29vZ2xl/AVvXsEgVFOXKourRPqoxfMK6xzbIHLhMxhLm1nglGkGBebiTC7IbIj7waL-tribcOa0Cm0GW2UpRsDlAxe8M0s2CYT1ETRsy8wtgnddKCerq6N_DL1HWfPMK43ior4W678i7jd360JyCeQ/s200/merl%C3%ADn.jpg)
Eu non me teño por escritor, pois tal vitola, ademais de comportar unha certa adicación profesional na miña opinión, fáiseme un pouco elevada e ostensosa á miña modesta condición de artesán das palabras. Con todo, na hora escasa de duración dunha tertulia que tivo a miña obra (e de paso sinto estar utilizando un léxico desproporcionado) como centro de atención, non puiden evitar esa visión dende fóra, que eu evocaba de psicodelias pasadas. Ler a outros cousas que escribiches para ti ten ese xermolo de outredade, que provoca estrañeza e lonxanía do escrito, case como se fose de outro.
En referencia ao texto da lapela do meu poemario Ruínas e tamén á breve mancheta que obra baixo o título desta bitácora, Ali dixo que lle gustaban moito as miñas presentacións. Eu retruquei que me daría por satisfeito se lle gustase máis o que segue.
Por certo, a tertulia emítese o sábado 6 ás 12:00. Pero ao mellor está vostede en misa, no Obradoiro. É mal día.
2 comentarios:
Pois si, a min vaime pillar no Obradoiro. Poñerei o altavoz para que haxa máis audiencia do seu e menos da actuación do alemán.
Sinceramente obrigado, amigo Tanis.
Publicar un comentario